काठमाडौं । महिलाको हत्या गरी शव बोकेर हिँड्ने युवकलाई प्रहरीले पक्राउ गरेको छ ।
पक्राउ पर्नेमा बझाङको वित्थडचिर गाउँपालिका–९ का २२ वर्षीय कविन्द्र मल्ल रहेका छन् ।
गत शुक्रबार बिहान ८ः३० बजेको समयमा काठमाडौं महानगर–१३ स्थित संगीतकारमार्गस्थित सडक छेउमा जानुका सुर्खेती भन्ने व्यक्तिको शव फेला परेको थियो ।
ती महिलाको मृत्युको सम्बन्धमा काठमाडौं उपत्यका अपराध अनुसन्धान कार्यालयको टोलीले अनुसन्धान अघि बढाएको थियो ।
मल्लले सोही दिन बिहानको ३ः१७ बजेको समयमा कालीमाटीको डाइभिन कम्प्लेक्स मुनी फुटपाथमा मृत अवस्थामा रहेकी सु्र्खेतीको शव बोकी संगीतकारमार्गको सडकमा पुर्याएका थिए ।
प्रहरी विभिन्न तबरले प्रविधिको प्रयोग गरी मल्ललाई पक्राउ गरेको जनाएको छ । साथै उनले ती महिलाको हत्या गरेको समेत स्वीकार गरेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया