आज पनि घट्यो सुनको मूल्य, तोलामा कति छ ?

काठमाडौं । नेपाली बजारमा आज पनि सुनको मूल्यमा गिरावट आएको छ ।

सोमबार एकैपटक सुनको मूल्य १५ हजार ९ सयले गिरावट आइ १ लाख ५१ हजार ३ सय कायम भएको थियो । आज पुनः तोलामा २ हजार ६ सयले गिरावट आइ प्रतितोला सुन १ लाख ४८ हजार ७ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

आइतबार सरकारले सुन आयातमा भन्सारदर २० प्रतिशतबाट घटाएर १० प्रतिशतमा झारेसँगै सोमबार सुनको मूल्यमा भारी गिरावट आएको हो ।

त्यसो त गत कार्तिक १७ गते सुनको मूल्य १ लाख ७१ हजार पुगेको थियो । जुन हालसम्मकै उच्च मूल्य थियो ।

त्यस्तै आज चाँदीको मूल्य १ हजार ८ सय २० कायम भइ कारोबार भइरहेको महासंघले जनाएको छ । त्यस्तै अघिल्लो दिन चाँदीको प्रतितोला मूल्य १ हजार ८ सय ४५ रुपैयाँ रहेको थियो ।