दुई किशोरलाई बन्धक बनाइ कुटपिट गरेको अभियोगमा तीन जना पक्राउ

काठमाडौं । दुई किशोरलाई बन्धक बनाइ कुटपिट गरेको अभियोगमा तीन जनालाई प्रहरीले  पक्राउ गरेको छ  । 

पक्राउ पर्नेहरूमा गोदावरी नगरपालिका–१ अत्तिरिया बस्ने २४ वर्षीय भुपी खड्का,धनगढी उपमहानगरपालिका–१ सन्तोषी टोल बस्ने कञ्चनपुर बेलौरी नगरपालिका–५ घर भएका १८ वर्षीय किशोर र डडेल्धुरा अमरगढी नगरपालिका–१ घर भएका १८ वर्षीय किशोर रहेका छन् ।

 प्रहरीका अनुसार उनीहरूले  कैलालीको धनगढी उपमहानगरपालिका–४ तारानगर डेरा गरी बस्ने २ जना किशोरलाई तारानगरस्थित बाझो घरमा बन्धक बनाई लागुऔषध खुवाई  कुटपिट गरेका थिए । 

पीडितहरूको उजुरीको आधारमा उक्त कार्यमा संलग्न उनीहरूलाई प्रहरी कार्यालय धनगढीबाट खटिएको टोलीले सोमबार पक्राउ गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ ।