वीरगंजबाट सुनसहित एक जना पक्राउ

काठमाडौं । वीरगंजबाट प्रहरीले सुनसहित एक जनालाई मंगलबार पक्राउ गरेको छ । वीरगंज महानगरपालिका–८ स्थित रेल्वे रोडबाट सुन १ सय ७ ग्राम ८९ मिलिग्रामसहित एक जना पक्राउ परेका हुन् ।

पक्राउ पर्नेमा सोही महानगरपालिका–१५ भेडियाही बस्ने २८ वर्षीय जय प्रकाश कुमार सोनार रहेका छन् । 

जिल्ला प्रहरी कार्यालय पर्साबाट खटिएको प्रहरीले ना.६२ प २७०५ नम्बरको मोटरसाइकललाई जाँच गर्ने क्रममा चालक जय प्रकाशलाई उक्त परिमाणको सुनसहित फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।