काठमाडौं । पूर्वपश्चिम राजमार्गस्थित मकवानपुरको हेटौंडा उपमहानगरपालिका–१५, चुरियामाईमा एउट कन्टेनर पल्टिँदा राजमार्ग अबरुद्ध बनेको छ । घटनास्थलमा प्रहरी परिचालन गरी क्रेनको सहायताले कन्टेनर उठाइ सडक खुलाउने प्रयास भइरहेको छ ।
वीरगन्जबाट काठमाडौं आउँदै गरेको मधेस प्रदेश ०३-००१ ख ६७३८ नम्बरको मोबिल लोड गरिएको लहरी आज बिहीबार बिहान साढे १० बजेतिर अनियन्त्रित भई सडकमा पल्टिएको हो । दुर्घटनामा गाडी चालक मकवानपुरको मनहरी गाउँपालिका-६ निवासी करिब ३० वर्षीय महेश मोक्तान घाइते भएका छन् । दाहिने हातमा चोट लागेका उनको हेटौंडा अस्पतालमा उपचार भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया