बर्दियाको ठाकुरबाबा नगरपालिका–४ मा कांग्रेसका अमिन थारु निर्वाचित

काठमाडौं । बर्दियाको ठाकुरबाबा नगरपालिका वडा नं ४ मा नेपाली कांग्रेसका उम्मेदवारले जित हासिल गरेका छन् ।

आइतबार राति आएको परिणाम अनुसार नेपाली कांग्रेसका उम्मेदवार अमिन थारु १ हजार ४३ मतसहित निर्वाचित भएका हुन् ।

त्यस्तै उनका निकटतम प्रतिद्धन्दी नेकपा माओवादी केन्द्रका शेरबहादुर थारुले ६७८ मत प्राप्त गरे । उपनिर्वाचनमा तेस्रो बनेको नेकपा एमालेले ३३७ मत प्राप्त गरेको निर्वाचन आयोगले जनाएको छ ।

आयोगका अनुसार नागरिक उन्मुक्ति पार्टीका मुक्तिलाल थारुले ७० मत र राप्रपाका रत्नले ५८ मत प्राप्त गरेका हुन् ।