गाँजासहितको अटो रिक्सा प्रहरीको नियन्त्रणमा

काठमाडौं । मोरङको विराटनगर महानगरपालिका–१८ स्थित झटियाही इलाकाबाट प्रहरीले गाँजासहितको अटो रिक्सालाई सोमबार नियन्त्रणमा लिएको छ ।

नेपालबाट भारततर्फ जाँदै गरेको को २ ह १९६९ नम्बरको अटो रिक्साबाट फवार्ड सुरक्षा बेस बखरीले करिब ६० केजी गाँजा फेला पारेपछि गाँजासहित अटो रिक्सालाई नियन्त्रणमा लिएको हो ।  

अटो रिक्साका चालक सशस्त्र प्रहरीको गस्ती टोलीलाई देख्नासाथ अटो सोही ठाउँमा छाडी फरार भएका थिए ।

नियन्त्रणमा लिइएको गाँजा र अटो रिक्सा आवश्यक कारबाहीको लागि इलाका प्रहरी कार्यालय रानी मोरङमा बुझाइएकाे प्रहरीले जनाएको छ ।