काठमाडौं । सुनसरी प्रहरीले गाँजा बोकेर आएको गाडी नियन्त्रणमा लिन गोली चलाएको छ । धनकुटाबाट गाँजा बोकेर दुई ओटा गाडी आएको सूचना पाएपछि प्रहरी टोली गाडी नियन्त्रणमा लिन खटिएको थियो ।
गाडी नियन्त्रणमा लिन खोज्दा भाग्न खोजेपछि प्रहरीले चार राउण्ड गोली चलाएर दुई ओटा गाडी र त्यसमा रहेको ६४१ किलो गाँजा बरामद गरेको हो ।
जिल्ला प्रहरी कार्यालय सुनसरी प्रवक्ता डीएसपी रामप्रसाद तिमल्सिनाका अनुसार दुई ओटा गाडीका चालकमध्ये एक जना भाग्न सफल भएका छन् । उनको खोजी भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया