भरूवा बन्दुकसहित एक जना पक्राउ

काठमाडौं । खाँडादेवी गाउँपालिका–१ कुलोडाँडाबाट एकनाले भरूवा बन्दुक ३ थान र करिब २ सय ग्रामसहित बिहीबार दिउँसो प्रहरीले एक जनालाई पक्राउ गरेको छ । पक्राउ पर्नेमा सोही ठाउँ बस्ने ५४ वर्षीय नन्दलाल श्रेष्ठ रहेका छन् ।

प्रहरी चौकी सित्खा र इलाका प्रहरी कार्यालय चोप्राङबाट खटिएको प्रहरी टोलीले उनको घर चेक गर्ने क्रममा घर र गोठबाट उक्त बन्दुक फेला पारी पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।