एनपीएलमा रोहित पौडेलको पहिलो अर्धशतक

काठमाडौं । नेपाल प्रिमियर लिग (एनपीएल) मा पोखरा एभेन्जर्सविरुद्ध लुम्बिनी लायन्सका कप्तान रोहित पौडेलको अर्धशतक पूरा भएको छ । त्रिभुवन विश्वविद्यालय क्रिकेट मैदानमा लुम्बिनीका कप्तान रोहितले ३३ बलमा अर्धशतक पूरा गरेका हुन् ।

काठमाडौंमा जारी एनपीएलको ११ औं खेलमा टस जितेर लुम्बिनी लायन्सले पोखराविरुद्ध ब्याटिङ गर्ने निर्णय गरेको थियो । लुम्बिनीका कप्तान रोहित पौडेलले पहिले ब्याटिङ गर्ने निर्णय लिएका थिए । लुम्बिनी र पोखरा दुवै टोली पहिलो जितको खोजीमा छन् । पोखराले लगातार दुई खेल हारिसकेको छ भने लुम्बिनी आफ्नो पहिलो खेलमा पराजित भएको थियो ।