काठमाडौं । नेपाल प्रिमियर लिग (एनपीएल) मा कप्तान रोहितकुमार पौडेलको उत्कृष्ट ब्याटिङमा लुम्बिनी लायन्सले पोखरा एभेन्जर्सविरुद्ध १७१ रनको लक्ष्य प्रस्तुत गरेको छ । निर्धारित २० ओभरमा पाँच विकेट गुमाएर लुम्बिनी लायन्सले १७० रनको योगफल खडा गरेको हो ।
त्रिभुवन विश्वविद्यालयमा टस जितेर पहिला ब्याटिङ गरेको लुम्बिनीले निर्धारित २० ओभरमा ५ विकेटको क्षतिमा १७० रन खडा गरेको हो । लुम्बिनीका लागि कप्तान रोहित पौडेल ५९ बलमा ९५ रनमा आउट भए । उनले चौथो विकेटका लागि टम मुर्ससँग शतकीय साझेदारी गरेका थिए । मुर्स ४५ रनमा आउट भए ।
लुम्बिनीका दुई ओपनर शून्य रनमा आउट हुँदा सन्दीप जोरा १८ रन बनाएर आउट भए । विवेक २ रनमा अविजित रहे ।
बलिङमा पोखराका विपीन खत्रीले २ र म्याट क्रिट्ले एक विकेट लिए ।
यो खबर पढेर तपाईलाई कस्तो महसुस भयो ?
प्रतिक्रिया