दुर्गेश र नव्याश्री अभिनीत म्युजिक भिडियो ‘रूपकी रानी, शेरको राजा’ सार्वजनिक

काठमाडौं । नेपाली सङ्गीत तथा अभिनय क्षेत्रका चर्चित दुर्गेश थापा र भारतकी ‘प्लानेट मिस इन्डिया वर्ल्ड २०१८’ नव्याश्री अभिनीत’रूपकी रानी, शेरको राजा’ बोलको म्युजिक भिडियो सार्वजनिक भएको छ । 

शुक्रबार सार्वजनिक यो गीतमा कृष्ण केसी र सदिक्षा कट्टेलले स्वर दिएका छन् । सङ्गीत कृष्ण केसीको रहेको छ भने शब्द रचना नव्याश्री आफैँले गरेकी हुन् । म्युजिक कड प्रोग्रेसन मदन केसीले गरेका छन् भने गीतको मिक्सिङ र मास्टरिङ श्यामश्वेत रसाइलीले गरेका छन् । 

गीतको भिडियोमा दुर्गेश थापा र नव्याश्रीको प्रमुख भूमिका रहेको छ भने राजकुमार थापा र प्रकाश कँडेलले खलनायकको अभिनय गरेका छन् । भिडियोको निर्देशन, सम्पादन र भिएफएक्स क्रान्ति केसीले गरेका छन् । छायाङ्कन अजय रेग्मीले गरेका हुन् भने एक्सन निर्देशन रमेश मगरले गरेका छन् । कोरियोग्राफी देवराज सापकोटाको रहेको छ। साथै, मेकअप राकेश रणपालले गरेका छन् ।