‘पुष्पा २’ का अभिनेता अल्लु अर्जुनविरुद्ध पुलिसमा उजुरी

मुम्बई । दक्षिण भारतीय अभिनेता अल्लु अर्जुनविरुद्ध उजुरी परेको छ । फिल्म ‘पुष्पा २’ को  विशेष सो मा भागदौड हुँदा एक महिलाको मृत्यु भएपछि उनीविरुद्ध उजुरी परेको हो । 

भागदौडमा मृत्यु भएकी महिलाका परिवारले थिएटर म्यानेजमेन्ट र अल्लू अर्जुनविरूद्ध संध्य पुलिस स्टेसनमा उजुरी दिएको भारतीय मिडियाले जनाएको छ । ‘पुष्पा २’ लाई लिएर दर्शक सुरु देखिनै निकै उत्साहित छन् ।

४ डिसेम्बरमा हैदराबादको थिएटरमा विशेष सो आयोजना गरिएको थियो ।  उक्त शोमा अल्लू अर्जुनलाई हेर्न दर्शकको भागदौड हुँदा एक महिलाको मृत्यु भएको हो ।

‘पुष्पा २’ मा अल्लु अर्जुनको अलवा रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ । सुकुमार बान्द्रेडीको लेखन तथा निर्देशन रहेको फिल्मका निर्माता नवीन येर्नेनी र रविशंकर यममाञ्चिली हुन् ।