काठमाडौं । कैलालीको मोहन्याल गाउँपालिका–३ का वडाध्यक्ष नन्दाराम गिरीको ३६वर्षको उमेरमा निधन भएको छ ।
मुखको क्यान्सरबाट पीडित गिरीले लामो समयदेखि नेपाल र भारतका विभिन्न अस्पतालमा उपचार गराइरहेका थिए ।
अन्तिम पटक काठमाडौंमा उपचार गराएर घरमै आराम गरिरहेका बेला स्वास्थ्य अवस्था गम्भीर भएपछि अस्पताल भर्ना गरिएको थियो । उपचारकै क्रममा शुक्रबार साँझ करिब ६ बजे उनको निधन भएको हो ।
उनी वडा नं ३ को अध्यक्षमा विसं २०७४ र २०७९ को स्थानीय तह निर्वाचनमा नेपाली कांग्रेसबाट निर्वाचित भएका थिए । उनका श्रीमतीसहित दुई छोरा र एक छोरी छन् ।
यो खबर पढेर तपाईलाई कस्तो महसुस भयो ?
प्रतिक्रिया