चितवन राइनोजविरुद्ध रोहितको अर्धशतक

काठमाडौं । नेपाल प्रिमियर लिग (एनपीएल) मा लुम्बिनी लायन्सका कप्तान समेत रहेका रोहित पौडेलले अर्धशतक प्रहार गरेका छन् ।

मंगलबार बिहान चितवन राइनोजविरुद्धको खेलमा उनले आफ्नो अर्धशतक पूरा गरेका हुन् । उनले ४३ बलमा ३ पटक छक्का र २ पटक चौकाको प्रहारमा ५० रन पूरा गरेका हुन् ।

त्यसो त यसअघि उनले झण्डै शतक बनाएका थिए । उनले पोखरा एभेन्जर्ससँग ९५ रन बनाउन सफल भएका थिए ।

जारी एनपीएलमा सर्वाधिक रन बनाउने खेलाडी बनेका रोहितले अहिलेसम्म यसअघिको ४ खेलमा १८१ रन बनाएका थिए । त्यसो त आज ५० रन पूरा गरेसँगै उनले २३० रन कटाइसकेका छन् ।