यु-१९ एशिया कपका लागि टोली घोषणा

काठमाडौं । एसिसी महिला यु-१९ एसिया कपका लागि नेपाली टोली घोषणा गरिएको छ । नेपाल क्रिकेट संघ (क्यान)ले सोमबार एसीसी महिला यु-१९ एशिया कप खेल्ने नेपाली टोलीको घोषणा गरेको हो । 

पूजा महतोको कप्तानीमा १५ सदस्यीय टोली घोषणा गरिएको हो । टोलीको उपकप्तानमा सोनी पाख्रिन तथा अन्य खेलाडीमा, साना प्रवीन, ज्यात्स्निका मरासिनी, कुसुम गोदार, एलिशाकुमारी यादव, सावित्री धामी, कृष्मा गुरुङ, तिर्सना विश्वकर्मा, किरणकुमारी कुँवर, रिया शर्मा, रचना चौधरी, सिमाना केसी, स्नेहा महरा र अनु कडायत छन् ।

महिला यु–१९ एसिया कप यही मंसिर ३० देखि आगामी पुस ७ गतेसम्म मलेसियामा हुँदैछ । गत कार्तिकमा युनाइटेड अरब इमिरेट्स (युएई)मा भएको आइसीसी यु–१९ महिला टी–२० विश्वकपको एशिया छनोटको अन्तिम खेलमा युएईलाई आठ विकेटले हराउँदै नेपाल विश्वकपमा छनोट भएको थियो । सोही प्रतियोगिताबाट नेपालले एशिया कपमा पनि स्थान बनाएको हो ।