काठमाडौं । टीभीएस मोटोसोल २०२४ को ‘१२५ सीसी स्कुटर डर्ट रेस’को उपाधि वर्षा बस्नेतले जितेकी छन् । अन्तर्राष्ट्रिय स्तरको मोटरसाइकल महोत्सवअन्तर्गतको टीभीएस ‘१२५ सीसी स्कुटर डर्ट रेस’मा बस्नेत विजयी भएकी हुन् ।
‘टीभीएस मोटोसोल इट्स तमोर देन अ फेस्टिभल, इट्स अ फिसिङ’ भन्ने नारासहित आयोजित यो महोत्सवको यो चौथो संस्करण हो । महोत्सवले गोवाको भव्य वागाटोर समुद्र किनारलाई थ्रिल, रोमाञ्चकता र असीमित उत्साहले भरिदिएको आयोजकहरूले जानकारी दिएको छ ।
महोत्सवको यस चौथौँ संस्करणले मोटरसाइकल राइडिङ, थ्रिलिङ रेसहरू, नवीनतम कस्टम मोटरसाइकल सार्वजनिक कार्यक्रम तथा राइडिङ संस्कृतिको विविध पाटोहरूलाई उत्सवका रूपमा मनाउने अवसर प्रदान गरेको कम्पनीको ठहर छ । विभिन्न मुलुकका मोटर राइडिङ समुदायहरूको सहभागिता रहेको यस महोत्सवले मोटर स्पोर्ट्सका नयाँ प्रतिभाहरूलाई अगाडि ल्याउने थलोको रूपमा आफूलाई स्थापित गर्दै गइरहेको छ ।
वर्षा बस्नेतको यस अद्वितीय सफलताले नेपाललाई अन्तर्राष्ट्रिय मोटर स्पोर्ट्सको क्षेत्रमा झन् मजबुत रूपमा प्रस्तुत गरेको कम्पनीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया