आज काठमाडौंमा यो वर्षकै बढी चिसो

काठमाडौं । आज काठमाडौंमा यो वर्षकै बढी चिसो भएको छ। निरन्तर ओरालो लागेको काठमाडौंको न्यूनतम तापक्रम आज यस वर्षकै सबैभन्दा कम भएको जल तथा मौसम विज्ञान विभाग अन्तर्गतको मौसम पूर्वानुमान महाशाखाले जनाएको छ।

आज काठमाडौंको न्यूनतम तापक्रम २.५ डिग्री सेल्सियस मापन गरिएको महाशाखाले जनाएको छ ।

हिजो काठमाडौंको न्यूनतम तापक्रम ३.१ डिग्री सेल्सियस मापन भएको थियो । आकाशमा बादल नहुँदा र मौसम सफा हुँदा विहानमा अत्यधिक चिसो बढेको मौसमविद् सञ्जिव अधिकारीले बताए । दिउँसोको तापक्रम भने १९ डिग्री सेल्सियसम्म पुग्ने महाशाखाको अनुमान छ।