काठमाडौं । नेपाल प्रिमियर लिग (एनपीएल) अन्तर्गतको आज आइतबार भएको खेलमा विराटनगर किंग्सले काठमान्डु गुर्खाजलाई ११८ रनको लक्ष्य दिएको छ । टस हारेर पहिले ब्याटिङको निम्तो पाएको विराटनगर किंग्सले १९.५ ओभरमा अलआउट हुँदै ११७ रन बनाएको हो ।
सो खेलमा विराटनगरका राजेश पुलामीले २५, दीपक बोहराले २०, निकोलस किर्तोनले १२, स्कट एडवार्ड्सले १५, लोकेश बमले ८, बसिर अहमदले १३, इस्मत आलमले ५ र क्रीस सोलले १ रनको योगदान दिए । कप्तान सन्दीप लामिछाने र अनिल खरेल ० रनमा आउट हुदा सुभाष भण्डारी ५ रनमा अविजित रहे ।
विराटनगरलाई अलआउट गर्ने क्रममा काठमान्डुका गेरहार्ड इरास्मुसले तीन, दीपेश कँडेलले २ तथा शहाब आलम, करण केसी र डन डाउथवाइटले एक/एक विकेट लिए । प्लेअफमा पुग्ने सम्भावना कायमै राख्न काठमान्डु गुर्खाजलाई जितको आवश्यक छ । विराटनगर भने प्लेअफको दौडबाट बाहिरिसकेको छ ।
यो खबर पढेर तपाईलाई कस्तो महसुस भयो ?
प्रतिक्रिया