‘आईसीटी अवार्ड २०२४’ मा जेनस सलुशन र जुमको सहकार्य

काठमाडौं । ‘इन्ड्राइभ आईसीटी अवार्ड २०२४’मा आईटी कम्पनी जेनस सलुशन र जुमले सहकार्य गर्ने भएका छन्  । प्रविधि क्षेत्रको प्रतिष्ठित अवार्डको रूपमा परिचित आईसीटी अवार्डमा जेनस सोलुसनले  ‘इन एसोसिएसन विथ’ पार्टनरको रूपमा सहकार्य गरेको हो ।

नवौं संस्करणको आईसीटी अवार्ड आगामी पुस ५ गते (२० डिसेम्बर) शुक्रवार ह्यात रिजेन्सी काठमाडौंमा आयोजना हुँदै छ । विभिन्न १४ विधामा अवार्ड प्रदान गरिने सो कार्यक्रममा सूचना प्रविधि क्षेत्रमा काम गरिरहेका राष्ट्रिय तथा अन्तर्राष्ट्रिय विशिष्ट व्यक्तित्वहरूको सहभागिता रहने छ ।

बेलायतमा मुख्य कार्यालय रहेको नेपाली बहुराष्ट्रिय आईटी कम्पनी जेनस सलुशनले नेपालसहित बङ्गलादेश, भारत, पाकिस्तान, फिनल्यान्ड, अस्ट्रेलिया, नाइजेरिया, स्पेन, आयरल्यान्ड र अमेरिकामा सेवा प्रदान गरिरहेको छ ।

जेनेस सलुशन नेपालमा जुमको आधिकारिक साझेदार रहेको छ । हालै  जेनेस सलुशनसँगको सहकार्यमा काठमाडौंमा जुम रोड सो आयोजना गरिएको थियो ।  उक्त सोमा आधुनिक कार्यस्थलका नयाँ प्रवृत्ति तथा नव परिवर्तन बारे छलफल गरिएको थियो ।