शेयर बजारमा झिनो अंकको वृद्धि, नेप्से २.९५ विन्दुले बढेर २६३३.८७ अंकमा

काठमाडौं । लगातार ओरालो लागेको शेयर बजारमा मंगलबार झिनो अंकको वृद्धि भएको छ । मंगलबार शेयर बजार परिसूचक नेप्से २.९५ विन्दुले बढेर २६३३.८७ अंकमा अडिएको हो ।

यस दिन ३१८ कम्पनीको ८९ लाख ३९ हजार कित्ता शेयर किनबेच हुँदा चार अर्ब ३४ करोड ३२ लाख रुपैयाँभन्दा बढीको कारोबार भएको छ । नेप्से सूचक सकारात्मक देखिए पनि कारोबार रकम भने सुस्त देखिएको छ । 

मंगलबार सबैभन्दा धेरै कारोबार जानकी फाइनान्सको भएको छ । सबैभन्दा धेरै कारोबार गर्ने दोस्रोमा नेपाल फाइनान्स छ भने तेस्रोमा रिभर फल्स पावर रहेको छ । 

यस दिन सबैभन्दा धेरै सपोर्ट माइक्रो फाइनान्सका लगानीकर्ताले १० प्रतिशतका दरले कमाएका छन् । यसै गरी, आज सबैभन्दा धेरै कथेली बुखरी हाइड्रोका लगानीकर्ताले १० प्रतिशतका दरले गुमाएका छन् ।