काठमाडौं । नेपाल क्रिकेट संघ (क्यान) ले नेपाल प्रिमियर लिग (एनपीएल) को पुरस्कार राशी सार्वजनिक गरेको छ ।
मंगलबार क्यानले एनपीएल विजेता र उपविजेताहरुको पुरस्कार राशी सार्वजनिक गरेको हो । जसअनुसार जारी एनपीएलको विजेता टिमले १ करोड १० लाख पाउनेछन् । त्यस्तै उपविजेताले ५१ लाख, तेस्रो हुने टिमले २५ लाख र चौँथो हुने टिमले १५ लाख पाउँनेछन् ।
कीर्तिपुरस्थित त्रिवि क्रिकेट मैदानमा जारी एनपीएलको प्लेअफमा सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स पुगेका छन् ।
बुधबार एलिमिनेटरमा चितवन र कर्णाली भिड्दैछन् भने पहिलो क्वालिफायर क्वालिफयरमा सुदूरपश्चिम र जनकपुर भिड्ने तयारी रहेको छ ।
नेपाली क्रिकेट इतिहासमा नेपालले आयोजना गरेको सर्वाधिक ठूलो प्रतियोगिता एनपीएल गत मंसिर १५ गतेबाट सुरु भएको हो । उक्त खेलका लागि विभिन्न ८ टिम सहभागि रहेका थिए ।
यो खबर पढेर तपाईलाई कस्तो महसुस भयो ?
प्रतिक्रिया