वासिङ्टन डिसी । अमेरिकामा राष्ट्रपतिमा निर्वाचित भएका डोनाल्ड ट्रम्प र चिनियाँ सर्ट भिडियो सेयरिङ एप टिकटकका सीईओबिच भेटवार्ता भएको छ ।
अमेरिकामा एपको प्रयोगमाथि प्रतिबन्धको म्याद नजिकिँदै गर्दा कम्पनीले अमेरिकी सर्वोच्च अदालतसँग गुहार मागेकै समयमा ट्रम्प र चिउबिच भेटघाट भएको हो ।
नोभेम्बर ५ मा भएको राष्ट्रपति निर्वाचनमा ट्रम्पले जित हात पारेयता यी दुईबिचको यो पहिलो भेट हो । ट्रम्प दोहोर्याएर राष्ट्रपति बनेदेखि नै चिउले उनलाई भेट्ने प्रयास गरिरहेका थिए ।
बाइटडान्सले टिकटकको अमेरिकी व्यवसाय बेचेन भने जनवरी १९ देखि यसमाथि अमेरिकामा प्रतिबन्ध लाग्नेछ ।
यो सर्त टिकटकले पूरा गरेन भने टिकटक राख्ने अमेरिकी एप स्टोर र यो चलाउन दिने इन्टरनेट सेवा प्रदायकहरूले पनि ठुलो जरिवानाको सामना गर्नु पर्नेछ । ट्रम्पले सोमबार टिकटकप्रति फरक दृष्टिकोण राख्न सक्ने संकेत गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया