कर्णाली याक्सका दुई विदेशी खेलाडीको अर्धशतकमा चितवन राइनोजलाई १७६ रनको लक्ष्य प्रस्तुत

काठमाडौं । नेपाल प्रिमियर लिग (एनपिएल)को इलिमिनेटर खेलमा कर्णाली याक्सले चितवन राइनोजविरुद्ध १७६ रनको विशाल लक्ष्य दिएको छ । कर्णाली याक्सले निर्धारित २० ओभरमा ६ विकेट गुमाएर १७५ रन बनायो । कर्णाली याक्सका लागि जयकिशन कोल्सावाला र विलियम बोसिस्टोले अर्धशतक प्रहार गरेका यिए ।

जयकिशन ५३ र विलियम ५२ रनमा बनाएर आउट भए । रित गौतम ०, जिसन मक्सदु १४, देव खनाल ३ र गुल्सन झा ० रनमा आउट भए । चाडविक वाल्टन ४६ रनमा अविजित रहे । बलिङमा सोहिल तवविरले २, शरद भेषावकर, कप्तान कुशल मल्ल र रवि बोपाराले एकएक विकेट लिए । कीर्तिपुरस्थित त्रिवि क्रिकेट मैदानमा भएको खेलमा चितवनका कप्तान कुशल मल्लले टस जितेर पहिला बलिङ गर्ने निर्णय लिएका थिए ।

यससँगै कर्णाली याक्सले पहिला ब्याटिङ गरेको थियो । यस खेलको विजयी टोलीले फाइनल प्रवेशका लागि आजै हुने पहिलो क्वालिफायरको पराजित हुने टोलीसँग भोलि खेल्नेछ । आज हुने पहिलो क्वालिफायर खेलमा जनकपुर बोल्ट्स र सुदूरपश्चिम रोयल्सबीच प्रतिस्पर्धा हुनेछ । उक्त खेल दिउँसो १ः०० बजे हुनेछ ।