दाङ । आफ्नै श्रीमतीको हत्या अभियोगमा प्रहरीले श्रीमानलाई पक्राउ गरेको छ ।
पक्राउ पर्नेमा दाङको तुलसीपुर उपमहानगरपालिका–२ भम्केस्थित एकताटोल बस्ने २९ वर्षीय चित्रबहादुर बुढाथोकी रहेका छन् ।
चित्रबहादुरले आफ्नी श्रीमती हस्तीकुमारी बुढाथोकीलाई आफ्नै घरको बैठक कोठामा दाउ प्रहार गर्दा उनको निधन भएको थियो ।
श्रीमानले श्रीमतीको हत्या गरेको खबर प्राप्त हुनासाथ इलाका प्रहरी कार्यालय तुलसीपुरबाट खटिएको प्रहरीले उनलाई तुलसीपुर उपमहानगरपालिका–७ स्थित कारागार कार्यालय नजिकैबाट पक्राउ गरेको हो ।
प्रहरीका अनुसार पछिल्ला दिनहरुमा आपसी विवाद बढेको थियो । घरायसी झगडाका कारण हस्तीकुमारीको हत्या भएको प्रहरीको प्रारम्भिक अनुसन्धानले देखाएको छ ।
उनका दुई छोरा रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया