मनाङको नेस्याङ केन्द्रविन्दु बनाएर ४.७ म्याग्निच्युडको भूकम्प 

काठमाडौं । मनाङको नेस्याङ आसपास केन्द्रविन्दु बनाएर आज बिहान भूकम्प गएको छ । भूकम्प मापन तथा अनुसन्धान केन्द्रले आज बिहान ७ बजेर ३७ मिनेटमा ४.७ म्याग्निच्युडको भूकम्प गएको जनाएको हो ।

भूकम्पले क्षति पुर्‍याएको जानकारी भने छैन ।

बझाङमा लगातार दुई दिन बुधबार र विहीबार तीन पटक भूकम्प गएको थियो । बुधबार दिउँसो ३ बजे बझाङको धमेना केन्द्रविन्दु भएर ४.१ म्याग्निच्यूडको भूकम्प धक्का महसुस भएको थियो ।