‘पुष्पा २’ बन्यो सबैभन्दा ठुलो फिल्म, १५ दिनमै कमायो  १२८ करोड 

काठमाडौं । पहिलो दिनदेखि नै दर्शकहरूलाई मनोरञ्जन गरिरहेको ‘पुष्पा२’ अहिले हिन्दी बक्स अफिसमा सबैभन्दा ठुलो फिल्म बनेको छ । दक्षिण भारतीय सुपरस्टार अल्लु अर्जुनको फिल्म सबैभन्दा ठुलो हिन्दी फिल्म बनेको हो ।

सन् २०२१ मा अल्लुको प्यान इन्डिया फिल्म ‘पुष्पा १ः द राइज’ हलमा रिलिज हुँदा हिन्दी बेल्टमा उनको क्रेज देखेर मानिसहरू छक्क परेका थिए । टिभीमा प्रसारण हुने हिन्दी डब फिल्मले उनको लोकप्रियता बढाएको थियो ।

‘पुष्पा २ः द रुल’ ले अब हिन्दी फिल्म बजारमा अल्लु अर्जुनको स्टारडमको ठप्प लगाइदिएको छ । पहिलो दिनदेखि नै पुष्पा २ ले हिन्दी फिल्मका दर्शकलाई जबरदस्त मनोरञ्जन दिँदै आएको थियो । यस्तो जादु देखाउने उनी दोस्रो दक्षिण भारतीय सुपरस्टार बनेका छन् । यस अघि प्रभासको बाहुबली २ हिन्दीमा सबैभन्दा धेरै कमाउने फिल्म थियो ।

फिल्मले पहिलो दिन नै शानदार अओपनिङ गर्‍यो । तर फिल्मप्रति दर्शकको क्रेज दोस्रो सप्ताहन्तमा मात्रै थाहा हुन्छ । पुष्पा २ ले दोस्रो सप्ताहन्तमा १२८ करोड को नेट कलेक्सन गरेको छ ।  यो दोस्रो सप्ताहन्तमा कुनै पनि फिल्मले कमाएको सबैभन्दा धेरै रकम हो । सोमबार वर्किङ डेमा पनि फिल्मलाई खासै असर परेको छैन ।