काठमाडौं । चर्चित भारतीय गायक सोनु निगम काठमाडौं आइपुगेका छन् । क्रिसमस–डेको अवसरमा विशेष कन्सर्टको लागि निगम काठमाडौं आएका हुन् ।
हायात रिजेन्सी होटलको मैदानमा निगमले आज बेलुका कन्सर्ट गर्दै छन् । कन्सर्टमा निगमसहितको २५ सदस्यीय ब्यान्डले ३ घण्टा प्रस्तुति दिनेछ । उक्त कन्सर्टमा निगमले उनका चर्चित नेपाली गीतसमेत गाउने छन् ।
निगमको लोकप्रिय नेपाली गीत ‘यो जिन्दगीले’, ‘उकाली ओराली गर्दै’, ‘फूलको डाली डालीमा’, ‘यो मायाले हेरन’ लगायत रहेका छन् ।
आज बेलुका आयोजना हुने कन्सर्टमा झण्डै १० हजार दर्शक निगमको कन्सर्टमा सहभागी हुने अपेक्षा गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया