भक्तपुरमा एमएडब्लू वृद्धिको नयाँ शोरुम सञ्चालनमा

काठमाडौं । नेपालमा सोकोन र फोटोन गाडीको आधिकारिक आयातकर्ता एमएडब्लू वृद्धी कमर्शियलले क्रिसमसको अवसर पारेर भक्तपुरमा आफ्नो पहिलो शोरुम सञ्चालनमा ल्याएको छ । एमएडब्लू वृद्धिले कम्पनी विस्तार र ग्राहकको माग प्रतिको प्रतिबद्धतालाई अझै बलियो बनाउन भक्तपुरको गट्ठाघरमा नयाँ शोरुम सञ्चालनमा ल्याएको हो ।

एमएडब्लू समूहका अध्यक्ष विष्णु कुमार अग्रवाल, एसिया प्यासिफिक आरएचडी क्षेत्र सेरेस ग्रुप कमर्शियल भेहिकल डिभिजनका कन्ट्री म्यानेजर सुन जियाक्सिन, एमएडब्लू वृद्धी कमर्शियलका सीईओ तुषार गुप्ता लगायतले शोरुमको औपचारिक उद्घाटन गरे ।

शोरुमले आगन्तुकहरूलाई सोकोनका नवीनतम ईभी मोडलहरू प्रदर्शन गर्दै इमर्सिभ अनुभव प्रदान गर्ने कम्पनीले जनाएको छ।

ग्राहकको आराम र सुविधालाई ध्यानमा राखेर डिजाइन गरिएको यो सुविधा सम्पन्न शोरुममा व्यक्तिगत परामर्श, उत्पादन प्रदर्शन र परीक्षण ड्राइभहरू प्रदान गरिने कम्पनीले जनाएको छ । कार्यक्रममा ११ वटा सोकोन गाडीहरू ग्राहकहरुलाई वितरण गरिएको थियो।