नौ एमएमको पेस्तोलसहित एक युवक पक्राउ

काठमाडौं । काठमाडौंमा नौ एमएमको पेस्तोलसहित एक जना पक्राउ परेका छन् । काठमाडौं उपत्यका प्रहरी कार्यालय रानीपोखरीको टोलीले काठमाडौंको कोटेश्वरबाट उक्त पेस्तोलसहित आइतबार एक जनालाई पक्राउ गरेको हो ।

पक्राउ पर्नेमा काठमाडौं महानगरपालिका–३२ स्थित नरेफाट बस्ने ३३ वर्षीय सनराइज खड्का रहेका छन् ।

पक्राउ परेका खड्काको साथबाट प्रहरीले एक थान नौ एमएमको पेस्तोल, त्यसमा लाग्ने एक थान म्याग्जिन र नौ राउन्ड गोलीसमेत बरामद गरेको रानीपोखरीका प्रवक्ता एवं प्रहरी वरिष्ठ उपरीक्षक विनोद घिमिरेले जानकारी दिए । 

 यस विषयमा थप अनुसन्धान भइरहेको प्रहरीले जनाएको छ ।