चितवनको सिमलतालमा बसले ट्रकलाई ठक्कर दिँदा ६ जना घाइते

चितवन । नारायणगढ–मुग्लिन सडकखण्डमा आज सोमबार भएको यात्रुबाहक बस दुर्घटनामा ६ जना घाइते भएका छन् ।

बुटवलबाट पोखरा जाँदै गरेको लु १ ख ८५५ १ नम्बरको बसले सिमलताल नजिकै मधेश प्रदेश ०३–००२ ख २१५९ नम्बरको ट्रकलाई ठक्कर दिँदा बसमा सवार ६ यात्रु घाइते भएका हुन् । सो ट्रक बिग्रिएर सडक छेउमा रोकी राखिएको थियो ।

घाइते यात्रुहरुको भरतपुरमा उपचार भइरहेको छ । सबैको अवस्था खतरामुक्त रहेको इलाका प्रहरी कार्यालय मुग्लिनकी प्रमुख इन्सपेक्टर निरला भण्डारीले जानकारी दिएकी छन् ।