काठमाडौं । देशका विभिन्न स्थानमा ६ जना मृत अवस्थामा फेला परेका छन् ।
नेपाल प्रहरीको तथ्यांक अनुसार सुनसरीको रामधुनी नगरपालिका–७ स्थित लटर होली तालमा सोही ठाउँ बस्ने ७२ वर्षीय भद्र लिम्बु आइतबार मृत अवस्थामा फेला परेका छन् ।
त्यस्तै दाङ, गढवा गाउँपालिका–६ स्थित पानी भएको कल्भर्टमा सोही गाउँपालिका–६ सर्वोदय चोक बस्ने ६५ वर्षीया ढोढी कुमाल आइतबार मृत अवस्थामा फेला परेकी छिन् ।
यस्तै धनुषा, जनकपुरधाम उपमहानगरपालिका–१६ महुवा टोलस्थित महुवा महादेव मन्दिर नजिकै बाटो छेउमा सोही उपमहानगरपालिका–१६ कपिलेश्वर बस्ने ७० वर्षीय नरेश यादव सोमबार मृत अवस्थामा फेला परेका छन् ।
त्यस्तै अर्घाखाँची, शितगंगा नगरपालिका–३ ठाडा डेरा गरी बस्ने कपिलवस्तु, कपिलवस्तु नगरपालिका–७ हरीपुर घर भएका ३३ वर्षीय गणेश सिंह आफ्नै कोठामा सोमबार मृत अवस्थामा फेला परेका छन् ।
प्रहरीका अनुसार दोलखा, गौरीशंकर गाउँपालिका–४ बस्ने ३५ वर्षीय ओम्बा छिरीङ शेर्पा सोही गाउँपालिका–४ किस्पानस्थित सडक नजिकै सोमबार मृत अवस्थामा फेला परेका छन् ।
साथै पर्सा, वीरगंज महानगरपालिका–१७ स्थित खेतमा हाल नाम, थर, वतन नखुलेका अन्दाजी २५ वर्षीय पुरूष आइतबार मृत अवस्थामा फेला परेका छन् ।
छुट्टाछुट्टै घटनाका सन्दर्भमा प्रहरीले आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया