संगीतको साथ होटेल गुञ्जमा नयाँ वर्षको उत्सव

बर्दिबास । उत्कृष्ट आतिथ्य र आनन्ददायी वातावरणको लागि महोत्तरीको बर्दिबास स्थित होटेल गुञ्जले आउँदै गरेको अङ्ग्रेजी नयाँ वर्षको अवसर पारेर विशेष कार्यक्रम आयोजना गर्ने भएको छ । रमाइलो वातावरण स्वादिलो परिकारहरूको साथ चर्चित कलाकारहरूको प्रस्तुति रहने यस नयाँ वर्ष विशेष कार्यक्रम २०२४ डिसेम्बर ३१ मङ्गलवार देखी २०२५ जनवरी १ बुधवार सम्म २ दिनको लागि हुने भएको हो ।

होटेल गुञ्जका अनुसार न्यु इयर इभ र न्यु इयरको दिनमा समुन्द्र ब्यान्ड र द हाइम्स ब्यान्डको संयुक्त लाइभ म्युजिकको प्रस्तुति रहने छ । साथै डिजेहरूको प्रस्तुति, बार्बेक्यु नाइट र विभिन्न आतसबाजी लगायतको कार्यक्रम पनि रहेको छ ।

होटेल गुन्जका म्यानेजर सुशान्त कार्कीले अतिथिहरूको यो नयाँ वर्ष वास्तवमै अविस्मरणीय रहोस् भन्नको लागि विविध प्रतिभाशाली व्यक्तित्वहरूको साथ मनोरञ्जनात्मक कार्यक्रम आयोजना गरेको बताए । उनले संगीत, स्ट्यान्ड–अप कमेडी र अन्य थुप्रै मनोरञ्जनात्मक गतिविधीहरुको साथ अतिथिहरूको नयाँ वर्ष साँच्चिकै नै रमाइलो हुने विश्वास व्यक्त गरे ।