परीक्षा केन्द्रको विषयमा विद्यार्थी आन्दोलित, आजै निर्णय नसच्चयाए  परीक्षा हुन नदिने चेतावनी

जनकपुर । रामस्वरुप रामसागर बहुमुखी क्याम्पस (राराब)का विद्यार्थीहरू परीक्षा केन्द्रको विषयलाई लिएर आन्दोलित भएका छन्।

भोलिदेखि सुरु हुन लागेको स्नातक तहको परीक्षा केन्द्र फरक-फरक क्याम्पसमा राखेको भन्दै विद्यार्थीहरू बिहानैदेखि आन्दोलित भएका हुन् । विद्यार्थीहरूले आजै निर्णय नसच्चयाए  परीक्षा हुन नदिने चेतावनीसमेत दिएका छन् ।

यसअघि राराब क्यामपसको परीक्षा केन्द्र अन्य क्याम्पसमा नराखिएको भन्दै उनीहरूले क्याम्पसको प्रसाशन शाखाको ढोका, झ्याल, झ्यालको सिसा तोडफोड गर्नुका साथै क्याम्पस परिसरभित्र राखेको काठका सामाग्रीमा आगो लगाएका छन् ।