गौशालाको बागमती होटेलमा मृत अवस्थामा युवती फेला

काठमाडौं । गौशालास्थित बागमती होटेलमा आज बिहीबार एकजना युवती मृत भेटिएकी छन् । कागेश्वरी मनोहरा नगरपालिका घर भएकी सुस्मिता खड्का मृत अवस्थामा भेटिएको प्रहरीले जनाएको छ । 

उनी बस्दै आएको कोठा लामो समयसम्म नखुलेपछि होटेल सञ्चालकले प्रहरीलाई खबर गरेका थिए । प्रहरीले ढोका फोडेर भित्र पस्दा उनलाई मृत अवस्थामा भेटिएको थियो । 

स्नातक तह तेस्रो वर्षमा अध्ययनरत उनी मंगलबार सो होटेल पुगेकी थिइन् ।  घटनाबारे उपत्यका अपराध अनुसन्धान कार्यालय र जिल्ला प्रहरी परिसर काठमाडौंले अनुसन्धान गरिरहेको छ ।