काठमाडौं । गायक शिव परियारले बालगायक सचिन परियारको निधनप्रति दुःख व्यक्त गरेका छन् ।
सामाजिक सञ्जालमा लैख्दै गायक परियारले सचिनले भोगेको जस्तो नियति अन्य बालिबालिकाले भोग्न नपरोस भन्दै दुःख व्यक्त गरेका हुन् ।
‘फेरि पनि कुनै बालबालिकाले सचिनले भोगेको जस्तै नियति भोग्न नपरोस् । हार्दिक श्रद्दान्जली सचिन तिम्रो तिम्रो आत्माको स्वर्गमा बास होस यहि प्रार्थना गर्दछु ,’ गायक परियारले सामाजिक सञ्जालमा भनेका छन् ।
सचिनको उपचारका क्रममा आज त्रिवि शिक्षण अस्पताल महाराजगञ्जमा निधन भएको थियो ।
लामो समयदेखि अस्वस्थ रहेका सचिनको सिभियर निमोनियाले पल्मोनरी ह्यामरेज भएका कारण निधन भएको हो ।
सचिनले गाएका थुप्रै गीतमध्ये ‘के छ र हजुर’ , ‘रातो रबर एक’, ‘रुमाल खस्छकी’, ‘बरको छाँयाले’ चर्चित छन् । अभिनेता राजेश हमालसँग एक म्युजिक भिडियोमा अभिनय गरेका उनले हास्य टेली श्रृंखला ‘मेरी बास्सै’मा पनि अभिनय गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया