प्राप्त अधिकार सुरक्षित राख्दै आर्थिक सम्पन्नताको अभियानमा लागौँ : प्रकाशमान सिंह

काठमाडौं । उपप्रधानमन्त्री एवं शहरी विकासमन्त्री प्रकाशमान सिंहले प्राप्त अधिकारलाई सुरक्षित राख्दै आर्थिक सम्पन्नताको अभियानमा लाग्नुपर्ने बताएका छन्  ।

बिहीबार काठमाडौंमा आयोजित कार्यक्रमलाई सम्बोधन गर्दै उनले यस्तो बताएका हुन्  । उनले राजनीतिक दलहरूले जथाभाबी गतिविधि गर्न थाले प्राप्त अधिकारहरू पनि गुम्ने खतरा रहेको बताए । उनले कांग्रेस जिम्मेवार पार्टी भएकाले कार्यकर्ताहरूले पनि सोहीअनुसार आफ्ना गतिविधि सञ्चालन गर्नुपर्ने बताए  । 

उनले आर्थिक सम्पन्नताको अभियानमा नागरिकलाई अधिकार दिलाउन कांग्रेस एक भएर लाग्नुपर्ने उनको भनाइ छ । उनले राजनीतिक साथै आर्थिक सुधारको नेतृत्व पनि कांग्रेसले लिनुपर्ने बताए ।