काठमाडौं । अमेरिकाको दक्षिण क्यालिफोर्नियामा विमान दुर्घटना हुँदा २ जनाको मृत्यु भएको छ भने १८ जना घाइते भएका छन् ।
सानो विमान उडानका क्रममा एक भवनमा ठोक्किँदा दुर्घटनामा परेको विदेशी सञ्चारमाध्यमहरुले जनाएका छन् ।
विमान दुर्घटनाको बिहीबार दिउँसो भएको फुलर्टन प्रहरीका प्रवक्ता क्रिस्टी वेल्सले सञ्चारमाध्यमहरुलाई जानकारी गराउँदै भनेका छन् ।
उनका अनुसार दिउँसो २ः०९ बजेको समयमा झण्डै २ सय जना काम गरिरहेको फर्निचरको भवनको छतमा उक्त विमान ठोक्किएको थियो । तत्काल प्रहरीले दमकलको सहायतामा आगो नियन्त्रणमा लिएका थिए ।
त्यहाँ मृत्यु भएका र घाइतेहरु विमानका यात्रु वा फर्निचरमा काम गर्ने कामदारहरु मध्ये को हुन् भन्ने थाहा नहुँदा अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया