सुनचाँदीको मूल्य स्थिर, कतिमा भइरहेको छ कारोबार ?

काठमाडौं । नेपाली बजारमा आज (सोमबार) सुनचाँदीको मूल्य स्थिर रहेको छ। यस दिन सुनचाँदीमा मूल्य अघिल्लो दिन आइतबारको मूल्यमा कारोबार भइरहेको छ । 

आइतबार प्रतितोला एक हजार पाँच सय रुपैयाँ घटेर प्रतितोला एक लाख ५२ हजार रुपैयाँमा कारोबार भएको सुनको मूल्य यस दिन पनि सोही मूल्यमा कारोबार भइरहेको छ । 

सुनचाँदी व्यवसायी महासंघका अनुसार आज छापावाल सुन प्रतितोला एक लाख ५२ हजार रुपैयाँमा कारोबार भइरहेको छ।

त्यसै गरी, सोमबार चाँदीको मूल्य पनि स्थिर रहेको छ। आइतबार प्रतितोला एक हजार आठ सय १० रुपैयाँमा कारोबार भएको चाँदी आज पनि सोही मूल्यमा कारोबार भइरहेको छ।