रुकुम पश्चिमलाई पराजित गर्दै पुलिस सेमिफाइनलमा

काठमाडौं । नेपाल पुलिस क्लब मदन भण्डारी गोल्डकप इन्डो-नेपाल रनिङ शिल्ड पुरुष भलिबल च्याम्पियनसिपको सेमिफाइनलमा प्रवेश गरेको छ ।

बुटवलमा सोमबार भएको खेलमा रुकुम पश्चिम भलिबल प्रशिक्षण केन्द्रलाई ३-० को सोझो सेटमा पराजित गर्दै समूह विजेता बन्दै पुलिस क्लबले सेमिफाइनलमा आफ्नो स्थान सुरक्षित बनाएको हो ।    

तेस्रो जितसँगै सेमिफाइनल पुगेको पुलिसले ९ अंक जोडेको छ ।