मिनेरालाई पराजित गर्दै रियल अन्तिम १६ मा

काठमाडौं । कोपा डेल रे अन्तर्गतको खेलमा रियल मड्रिडले फराकिलो जित हात पारेको छ । मड्रिडले डेपोर्टिभो मिनेरालाई ५-० को फराकिलो गोल अन्तरले पराजित गर्दै अन्तिम १६ मा स्थान बनाएको छ । रियलले खेल सुरु भएको ४ मिनेटमै फेडेरिको भाल्भेर्डेको गोलबाट अग्रता लिएको थियो ।

त्यसपछि खेलको १२औँ मिनेटमा एडुआर्डो कामाभिङ्गाले दोस्रो गोल गर्दै अग्रता दोब्बर बनाए । त्यस्तै गुलरले तेस्रो गोल गरे । यसै गरी, कप्तान लुका मोड्रिचले दोस्रो हाफको नौ मिनेटमा चौथो गोल गरे भने गुलरले खेल समाप्त हुन दुई मिनेट बाँकी रहँदा पाँचौँ गोल गरे ।