रियलका भिनिसियसले दुई खेल गुमाउने

काठमाडौं । रियल मड्रिडका भिनिसियस जुनियरले स्पेनिस लिगको दुई खेल गुमाउने भएका छन् । शुक्रबार भ्यालेन्सियाविरुद्ध भएको खेलमा रातो कार्ड खाएका कारण भिनिसियसले लिगको दुई खेल गुमाउने भएका हुन् ।

भ्यालेन्सियाविरुद्धको खेल जारी रहँदा रियल १ गोल अन्तरले पछि परेको थियो । सोही समयमा भिनिसियसले गोलकिपरलाई प्रहार गरेका थिए । भिनिसियसले भ्यालेन्सियाका किपरलाई डिबक्सभित्र धकेलेर लडाएका थिए ।

त्यसपछि भिनिसियसले रातो कार्ड खाएका थिए । रातो कार्ड खाएका भिनिसियस अब रियल मड्रिडका लागि स्पेनिस सुपर कपमा मात्र उपलब्ध हुनेछन् ।