काभ्रेको नमोबुद्धस्थित कार्की टोलमा आगलागी, करिब ५ लाख रुपैयाँ बराबरको धनमाल नष्ट

काठमाडौं । आगलागीबाट विभिन्न धनमाल जलेर नष्ट  भएको  छ।  

काभ्रेको नमोबुद्ध नगरपालिका-४ कार्की टोल बस्ने ७० वर्षीय मान बहादुर तामाङको गोठमा बुधबार बिहान आगलागी हुँदा अन्नपात, लत्ताकपडा लगायतका विभिन्न सरसामानहरू जलेर करिब ५ लाख रुपैयाँ बराबरको धनमाल नष्ट भएको हो  । 

प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जनाएको छ ।