सोलुखुम्बु । सोलुखुम्बुमा गोठमा आगलागीमा हुँदा एक जनाको मृत्यु भएको छ । सोलुदूधकुण्ड नगरपालिका–२ थुम्लिङमा बुधबार राति भएको आगलागीमा परी एकको मृत्यु भएको हो । मृत्यु हुनेमा अन्दाजी ४० वर्षे नवराज खालिङ राई रहेको छन् ।
बिहीबार राति गोठमा बसेका खालिङले चुरोट खाने क्रममा आगलागी भएको अनुमान गरिएको सोलुखुम्बुका प्रमुख जिल्ला अधिकारी अनोजकुमार घिमिरेले बताए ।
घटनाबारे थप अनुसन्धानका लागि बिहान प्रमुख जिल्ला अधिकारी घिमिरे, प्रहरी नायब उपरीक्षक द्वारिकाप्रसाद घिमिरे र चिकित्सकसहितको टोली घटनास्थल पुगेको छ । आगलागीबाट जलेर चिन्न नसक्ने अवस्थामा रहेका खालिङको शव परीक्षणका लागि जिल्ला अस्पताल फाप्लु ल्याइएको प्रजिअ घिमिरेले बताए ।
यो खबर पढेर तपाईलाई कस्तो महसुस भयो ?
प्रतिक्रिया