कास्की जिल्ला अदालत परिसरमा सुरक्षा व्यवस्था कडाइ

काठमाडौं । सहकारी ठगी, सम्पत्ति शुद्धीकरण र संगठित अपराधमा मुद्दा दायर भएका रास्वपा सभापतिसहितका प्रतिवादीहरुको आज थुनछेक आदेश आउँदैछ ।

जिल्ला अदालत कास्कीमा रविसहित सबै प्रतिवादीहरुको बयान सकिएसँगै आजै फैसलाको तयारी गरिएको हो ।

बिहान लामिछानेसहित प्रतिवादीहरुको बयान सकिएपछि फैसला लेखनको काम चलिरहेको छ ।

आदेश आउने भएसँगै जिल्ला अदालत कास्की परिसरको सुरक्षा व्यवस्थामा कडाइ गरिएको छ ।

पोखराको सूर्यदर्शन सहकारी ठगी प्रकरणमा रविसहित ५१ जनाविरुद्ध मुद्दा दायर गरिएको थियो ।

आज फैसला आउने भएसँगै रास्वपाका शीर्ष नेताहरु पोखरा केन्द्रित भएका छन् । आदेशपछि हुनसक्ने जोखिमलाई मध्यनजर गर्दै अदालत वरपर बाक्लो रुपमा सुरक्षाकर्मी परिचालन गरिएको छ ।