पाकिस्तानमा कोइला खानी विस्फोट हुँदा चार जनाको मृत्यु

काठमाडौं । पाकिस्तानको क्वेटाको सान्जदी क्षेत्रमा रहेको कोइला खानीमा ग्यास विस्फोट हुँदा चार खानी कामदारको मृत्यु भएको छ । फसेका आठ जनाको उद्धार गर्ने प्रयास जारी रहेको एआरवाई न्युजले जनाएको छ । 

घटना बिहीबार स्थानीय समय अनुसार ४ः०० बजे भएको थियो जब ग्यास विस्फोटको कारण कोइला खानीको एक भाग भत्किएको थियो जसमा १२ जना कामदार भित्र फसेका थिए ।

एआरवाई न्युजले रिपोर्ट गरेको अनुसार फसेका कामदारहरू लगभग चार हजार ३०० फिट जमिनमुनि रहेको विश्वास गरिन्छ । विस्फोटका कारण खानी भत्किएको थियो र उद्धार टोलीहरूले खानीमा पुग्न वैकल्पिक मार्ग निर्माण गर्न काम गरिरहेका छन् ।

यस्तै एउटा घटना मार्च सन् २०२४ मा बलुचिस्तानको हरनाईमा रहेको कोइला खानीमा १८ जना खानीमा फसेको थियो । उद्धारकर्ताहरूले  १२ शवहरू निकाले र छ जना घाइतेहरूलाई उद्धार गरेका थिए ।