एसईई चैत ७ देखि, यस्तो छ समयतालिका

काठमाडौं । राष्ट्रिय परीक्षा बोर्ड परीक्षा नियन्त्रण कार्यालय कक्षा–१० ले शैक्षिक सत्र–२०८१ को माध्यमिक शिक्षा परीक्षा (एसईई) आगामी चैतको पहिलो सातादेखि गर्नेगरी समय तालिका सार्वजनिक गरेको छ ।

बोर्डले मंगलबार निकालेको सूचनामा चैत ७ देखि चैत १९ गतेसम्म २०८१ सालको माध्यमिक शिक्षा परीक्षा (नियमित तथा ग्रेडवृद्धि) हुने उल्लेख छ । परीक्षा बिहान ८ बजेदेखि ११ बजेसम्म चल्ने बोर्डले जनाएको छ ।