काठमाडौं । नेपाल प्रहरीका २५ प्रहरी उपरीक्षक (एसपी) वरिष्ठ प्रहरी उपरीक्षक –एसएसपी) मा बढुवाका लागि सिफारिस भएका छन् ।
सोमबार बसेको बढुवा सिफारिस समितिको बैठकले जनपद प्रहरी समूहतर्फका २५ एसपीलाई एसएसपीमा बढुवा सिफारिस गर्ने निर्णय गरेको हो ।
जसमा नेपाल प्रहरी प्रधान कार्यालय अन्वेषण योजना तथा विकास निर्देशनालय नक्सालमा कार्यरत रमेश थापा, केन्द्रीय अनुसन्धान व्यूरोमा कार्यरत होबिन्द्र बोगटी, नेपाल प्रहरी प्रधान कार्यालय केन्द्रीय महिला, बालबालिका तथा जेष्ठ नागरिक सेवा महाशाखा नक्कासमा कार्यरत प्रकाश मल्ल रहेका छन् ।
त्यस्तै जिल्ला प्रहरी कार्यालय नुवाकोटमा कार्यरत शान्तिराज कोइराला, काठमाडौं उपत्यका विशेष सुरक्षा प्रहरी गण, त्रिपुरेश्वरमा कार्यरत सन्तोष सिंह राठौर तथा जिल्ला प्रहरी कार्यालय इलाममा कार्यरत प्रभु प्रसाद ढकाल रहेका छन् ।
प्रहरी नियमावली, २०७१ को नियम २७ को उपनियम (४) अनुसार प्रहरी उपरीक्षकलाई वरिष्ठ प्रहरी उपरीक्षकमा बढुवाका लागि सिफारिस गरिएको प्रहरी प्रधान कार्यालय नक्सालले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया