आशिका तामाङ पक्राउ

काठमाडौं । सामाजिक अभियन्ताको नामले सामाजिक सञ्जालमा चर्चित आशिका तामाङ पक्राउ परेकी छन् ।

अभद्र व्यवहार मुद्दामा तामाङलाई बुधबार काठमाडौंबाट पक्राउ गरिएको जिल्ला प्रहरी परिसर काठमाडौंका प्रवक्ता एसपी नवराज अधिकारीले लोकपथलाई जानकारी दिए ।

‘अभद्र व्यवहार मुद्दामा तामाङलाई काठमाडौंबाट पक्राउ गरिएको हो,’ उनले भने ।

आशिका पछिल्लो समय सामाजिक सञ्जालमा भाइरल थिइन् । उनले केही दिन अघि प्रहरीलाई समेत विभिन्न आरोप लगाउँदै अभद्र व्यवहार गरेको भिडियो सामाजिक सञ्जालमा बाहिरिएको थियो । विभिन्न सार्वजनिक क्षेत्रमा पुगेर त्यहाँ भइरहेका फोहोरमैलाबारे भिडियो बनाउँदै तामाङ चर्चामा आएकी हुन् ।

पक्राउ पुर्जी लिएर उनलाई नियन्त्रणमा लिन गएको प्रहरीमाथि समेत उनी खनिएकी थिइन् ।