बलिउड अभिनेता सैफ अली खानमाथि छुरा प्रहार

काठमाडौं । बलिउड अभिनेता सैफ अली खानमाथि छुरा प्रहार भएको छ ।

गएराति बान्द्रास्थित घरमा उनी माथि छुरा प्रहार भएको भारतीय सञ्चारमाध्यम आजतकले जनाएको छ ।

गएराति एक अज्ञात व्यक्ति उनको घरमा पसेर उनीमाथि धारिलो हतियारले आक्रमण गरेका थिए । 

आक्रमणबाट गम्भीर घाइते भएका सैफलाई लीलावती अस्पतालमा भर्ना गरिएको बताइएको छ । 

सैफलाई ६ ठाउँमा चोट लागेको र उनको शल्यक्रिया भइरहेको छ।

यो चोट कति गहिरो छ शल्यक्रियापछि थाहा हुने प्रहरीले जनाएको छ ।